EKAINEAN KONTUAN HARTU BEHARREKOAK

Dagoeneko ikasturteko azken hilabetean sartu gara. Jarraian, hilabete honetan kontuan hartu beharrekoak aurkituko dituzue:

• Ekainaren 12ra arte, goiz eta arratsaldeko jarduna izango dugu.
• Ekainaren 13tik 21era jardun jarraia izango dugu. Haur Hezkuntzako 3urtetik Lehen Hezkuntzako 6. maila arte, jardun jarraiko ordutegia 08:45etik 12:45era izango da. Haur Hezkuntzako 2 urtekoen kasuan, 09:00etatik 13:00etara izango da. Egun horietan jangelan geratuko ez direnek, ordu horietan hartuko dute normalean arratsaldez hartzen dituzten autobusak etxera joateko.
• Jangelan geratuko diren ikasleen kasuan, bi kasuistika daude:
  • Gurasoen Elkarteak antolatuko duen zaintza zerbitzua erabiliko EZ duten ikasleen bila 13:30etik 13:45era etorri beharko duzue.
  • Gurasoen Elkarteak antolatuko duen zaintza zerbitzua erabiliko duten ikasleen bila 15:45ean etorri beharko duzue.
• Ekainaren 21a azken klase eguna izango da eta EGUN HORRETAN EZ DA EZ JANGELA ZERBITZURIK, EZTA ZAINTZA ZERBITZURIK EGONGO. Ikasle guztiak EGUERDIAN itzuliko dira etxera.

JANGELAN IZEN-EMATEA 2023-2024 IKASTURTERAKO:

Datorren ikasturtean jangela zerbitzuan izena emateko epea zabalik dago. Aurten HH2 urte eta LH6 mailetan dauden ikasleek EZ dute galdetegi hau bete behar. Aurtengo HH 2 urteko geletan dauden ikasleen kasuan, aurrerago bidaliko dizuegu 23-24 ikasturtean egin beharko duten egokitzapenari buruzko informazioa eta orduan jasoko duzue ere, jangelan izen-ematea egiteko galdetegia. LH 6. mailako ikasleek izen-ematea egin ahal izango dute irailean DBHn hasten direnean.
GAINONTZEKO GUZTIOI, JANGELA ERABILTZEKO ASMORIK IZAN ALA EZ, EKAINAREN 21A BAINO LEHEN BETETZEA ESKATU NAHI DIZUEGU 

LUR-ALAI SQUASH TOPAKETA: 

Lur-Alai Squash Klubak topaketa bat antolatuko du bihar, ekainak 10, Artaleku kiroldegian Squash kirola ezagutzera emateko. Topaketa dohain da eta irekia dago haur eta gazteei eta haien gurasoei. Izen-ematea 687976496 edo luralaisquash@gmail.com. Hemen  informazio gehiago.

UDASOA-UDA BIDASOAREKIN

Bidasoa Eskubaloi Taldeak beste urte batez antolatuko ditu Udasoa izeneko udaleku irekiak uztailean zehar Artaleku kiroldegian. Ordutegia 08:30etik 13:30era izango da eta astero egongo da aktibitateren bat Artalekutik kanpo. Aukera egongo da asteka apuntatzeko. Informazio gehiago